Сяргей Яромка: «Падзенне ўзроўня ЧБ дае вялікі шанц моладзі. Калі бы мне даручылі «Мінск» на два гады, то на выйсці на выхаванцаў клуба быў бы попыт»
Галоўны трэнер «Мінска» Сяргей Яромка пракаментаваў спарынг клуба з «Хваляй» (0:1) і падзяліўся меркаваннем пра ўзровень чэмпіянату Беларусі.
– Якім атрымаўся першы спарынг міжсезоння – хатні з пінскай «Хваляй»?
– Добрая інфарматыўная гульня. Спадабалася ўсё, акрамя выніку. Усё ж накіроўваю хлопцаў на тое, каб імкнуліся выйграваць. Трэба з першага матча выхоўваць у іх псіхалогію пераможцаў – каб нікога не баяліся. Няшмат у суботу не атрымалася, але па сканчэнні двухтыднёвага ўцяжнага этапу і знаёмства з хлопцамі да якасці футболу асаблівых прэтэнзій няма.
– Як будзеце вырашаць праблему рэалізацыі? Бо ў суботу «Мінск» стварыў нямала галявых магчымасцяў.
– Каб казаць пра тое, наколькі ўмелыя наяўныя футбалісты, трэба ўсё жа больш часу. Па вялікім рахунку, навыкі можна толькі дасканаліць. Паляпшаць рэалізацыю. І ўжо дакладна няможна сказаць, што мы над ёй не працавалі. Гэта лухта. Але зноў жа паўтараю: узровень беларускага чэмпіянату не падымаецца, а падае. І для цяперашняй моладзі такія рэаліі авансам даюць вялікі шанц зарэкамендаваць сябе гульцамі вышэйшай лігі.
– Зараз у нашым футболе наступіў «час маладых». Ці можа ў доўгатэрміновай перспектыве гэта згуляць на падняцце яго ўзроўня?
– Адкажу проста: калі бы мне даручылі «Мінск» на два гады, то бок гарантавалі, што не будзе ніякіх тузанняў, плюс далі магчымасць кропкава ўзмацняць патрэбныя пазіцыі, то гэтыя хлопцы, выхаванцы клуба, на выйсці сталі бы канкурэнтаздольнымі футбалістамі, на якіх быў бы попыт як мінімум ад лепшых беларускіх клубаў. Тут ёсць з кім працаваць і каго даводзіць да нейкага добрага ўзроўня. Па тым, што ўбачыў за два тыдні працы, скажу: патэнцыял у гэтых хлопцаў ёсць. Бо, як ні банальна, вопытныя беларускія гульцы ўсе больш сходзяць з авансцэны. І гэтую нішу нехта павінен заняць. Праблема толькі ў недахопе часу. Калі бы сістэма, якую бачу, зарабіла крыху раней, і ў мяне будуць гэтыя два гады ў родным «Мінску» (а ўжыць менавіта гэтае азначэнне падстава ёсць), – можна было бы заяўляць пра рэалізацыю таго, што атрмліваецца ў «Энергетыка-БДУ». Бо школа «Мінска» па колькасці выхаванцаў яго нашмат перасягае. Проста трэба трохі падкарэктаваць працу, наладзіць сістэму падрыхтоўкі. І не спяшацца, – сказаў Яромка.
