Агент Мікіта Ісаеў: «У Ізраілі дзяржава ў футбол, як у Беларусі, не лезе, таму яна актыўна і развіваецца»
Беларускі агент Мікіта Ісаеў у інтэрв'ю Telegram-каналу «О, спорт! Ты – мир!» параўнаў футбол Беларусі і Ізраіля.
– У Ізраілі да справы падыходзяць максімальна прафесійна. Самі гульцы ставяцца вельмі ўважліва, у кантрактах прапісана ўсё да дробязяў, ці ледзь не тое, колькі павінна быць у кватэры відэльцаў і падушак. У краіне ўмеюць зарабляць грошы і ведаюць ім кошт, таму ўсё павінна быць абумоўлена. Спартыўныя дырэктары, калі жадаюць запрасіць гульца, перад гэтым пралічваюць усе выдаткі і магчымы прыбытак пасля продажу футбаліста. Гэта значыць, людзі думаюць наперад, як зарабіць, а не проста выдаткаваць. У Ізраілі ў развіццё футбола ўкладаюць у першую чаргу не грошы, а мазгі. А ў Беларусі ёсць бюджэт – трэба выдаткаваць і спадзявацца, што ў наступным годзе яшчэ дадуць грошай, клубы не думаюць, як зарабляць.
Увесь спорт у Ізраілі прыватны, у тым ліку і футбол. У клубаў свае ўладальнікі, якія ўмеюць лічыць грошы, ведаюць, як зарабляць, і цудоўна гэта робяць. Дзяржава ў футбол, як у Беларусі, не лезе, таму від спорту актыўна і развіваецца, – сказаў Ісаеў.
