Марчанка пакіне пасаду дырэктара «Шахцёра». У адносінах да яго праводзяцца следчыя дзеянні

Як стала вядома «Трыбуне», Аляксандр Марчанка пакіне пасаду дырэктара «Шахцёра». На гэты момант у дачыненні да яго праводзяцца следчыя деянні.

Нагадаем, што раней «Трыбуна» паведамляла, што 30 студзеня сілавікі Лукашэнку павезлі Марчанку з офіса «Шахцёра».

Марчанка быў прызначаны на пасаду дырэктара ў пачатку 2021 года. Раней ён узначальваў «Гарадзею».

Акрамя таго, таксама 30 студзеня сілавікамі Лукашэнкі заведзена крымінальная справа на прадстаўніка «гарнякоў» за аказанне ўплыву на вынік матчу чэмпіянату Беларусі па футболе. Прозвішча падазраванага не называецца.

22 студзеня быў затрыманы ў Мінску спартовы дырэктар «Шахцёра» Уладзімір Нідэргаўс.

Мінулы сезон каманда завяршыла на першым месцы вышэйшай лігі чэмпіянату Беларусі па футболе.

🏆 «Арсенал» можа выйграць АПЛ упершыню з 2004, кэф – 2.67!