Кавальчук пра прыватныя клубы: «Калі ў іх мэта – зараблянне грошай з бацькоў, то гэта не справа»
Міністр спорту Лукашэнкі Сяргей Кавальчук падчас пасяджэння калегіі падзяліўся меркаваннем аб прыватных футбольных клубах у Беларусі.
– Я разумею, з прыватнымі клубамі ёсць праблемы. Дзяржаўныя клубы, школы і арганізацыі маюць прыярытэт. Прыватнаму клубу дастаткова цяжка «ўціснуцца ў графік».
Як я бачу далейшае ўзаемадзеянне з «прыватнікамі»? Па-першае, такі клуб павінен вызначыцца са сваёй мэтай. Калі гэтая мэта – зараблянне грошай з бацькоў, то гэта не справа.
Зараз у трэнера задача не гадаваць прафесійных спартсменаў, а набраць як мага больш рабят у секцыю, каб іх бацькі плацілі за знаходжанне ў камандзе.
Але калі ў прыватных клубаў з'явяцца прафесійныя крытэрыі, будзе структура і эфектыўная мадэль падрыхтоўкі, то мы вас, вядома, будзем падтрымліваць у разы мацней.
Галоўнае – добрасумленная падрыхтоўка спартсменаў. Фізкультура і спорт – гэта два розныя паняцці. Першай могуць займацца ўсё, а вось для спорту патрэбная цэлая сістэма, – лічыць Кавальчук.
