«У цэлым, мы задаволеныя сваёй прадуктыўнасцю на працягу большай часткі гульні. Складана гуляць у гасцях у Лізе чэмпіёнаў, у несяброўскім асяроддзі, супраць каманды, якая на ўздыме.

Першы там быў роўным, мы дастаткова добра кантралявалі ход гульні, мелі добрыя магчымасці пасля контратак і адзін раз патрапілі ў штангу.

У другім тайме, калі вынесці за дужкі вырашальны момант гульні, мы дамінавалі на полі, стварылі некалькі добрых момантаў, але, магчыма, нам не хапіла крыху ўдачы і рэалізацыі. Мы заслужылі свой гол, аднак трэба рухацца далей. З нецярпеннем чакаем матч на «Стэмфард Брыдж».

Мы павінны былі дзейнічаць лепш у эпізодзе з прапушчаным голам. У той момант мы ціснулі на суперніка, таму прапусціць такім чынам для нас расчараванне. Гульцы ведаюць, што маглі лепш зладзіцца з гэтым. Трэба засяродзіцца на тым пазітыве, які быў у гэтай гульні. Яшчэ адзін крок наперад для нас.

Гэта першая ці другая гульня Джэймса, Лофтуса-Чыка, Кулібалі і Чылуэла за даволі доўгі час, няпроста адразу вярнуцца на хуткасці Лігі чэмпіёнаў, але яны справіліся з гэтым вельмі добра», – сказаў Потэр.

Матч у адказ адбудзецца 7 сакавіка.

Аўтар: Васіль Сьвітка