Молаш пра спарынгі з «Нёманам»: «Вельмі шмат момантаў, якія не спадабаліся»
Галоўны трэнер «Тарпеда-БелАЗ» Дзмітрый Молаш падзяліўся меркаваннем аб двух спарынгах з «Нёманам» (0:3, 0:0).
– Мала што атрымлівалася. Незадаволены арганізацыяй гульні, што ў нападзе, што ў абароне. Можна спісаць на фізічны стан футбалістаў, бо ідуць зборы і толькі аб выніку думаць рана. Але тут інакш: мы хацелі рэабілітавацца за хатнюю паразу «Нёману» на «Белазаўцы»… Будзем разбірацца, вельмі добрая ежа для разважанняў. Паўтаруся: вельмі шмат момантаў, якія не спадабаліся.
Другая гульня была раўней, магла схіліцца і ў адзін, і ў другі бок. Хлопцы нашы малайцы, вельмі задаволены маладымі хлопцамі, якія толькі пачалі рухацца на новым узроўні, але ўжо адчуваюць смак дарослага футбола. Гульня была цікавая для гледачоў, поспех мог усміхнуцца любому боку. Я задаволены маладымі футбалістамі, задаволены іх аддачай і жаданнем прабіцца ў асноўны склад.
На наступным тыдні ў Віцебск з'язджаем на чатыры дні. Нас чакаюць трэніроўкі ў манежы і паступовае зніжэнне нагрузкі: падыходзім да кубкавых гульняў. У пятніцу вяртаемся, а ў суботу па плане спарынг з «Іслаччу» у нас дома на сінтэтыцы. А там застаецца ўжо тыдзень да першай гульні ў кубку з «Шахцёрам», – сказаў Молаш.
