Эрык тэн Хаг: «Мы не думаем пра гонку за тытул»
Галоўны трэнер «Манчэстэр Юнайтэд» Эрык тэн Хаг пракаментаваў перамогу каманды над «Лестэрам» (3:0) у АПЛ.
«Цудоўны вынік. Цяжка падтрымліваць прадукцыйнасць на адным узроўні, калі гуляеш кожны трэці дзень. Сёння было сапраўды цяжка.
У першым тайме «Лестэр» згуляў бліскуча, толькі дзякуючы дэ Хеа мы не прапусцілі да перапынку. На шчасце, потым нам удалося сёе-тое выправіць, і ўжо другі тайм у нашым выкананні быў бліскучым.
Было прыемна назіраць за тым, як мы стваралі столькі момантаў і забівалі цудоўныя мячы.
Мы не думаем пра гонку за тытул. Мы думаем пра наступную гульню, якая адбудзецца ў чацвер», – сказаў тэн Хаг.
«МЮ» займае 3-е месца, адстаючы ад лідара «Арсенала» на 5 ачкоў.
У чацвер, 23 лютага, манкуніянцы згуляюць супраць «Барселоны» у матчы ў адказ плэй-оф Лігі Еўропы, першая гульня завяршылася з лікам 2:2.
