Форвард «Інтэра» Рамелу Лукаку, які стаў аўтарам пераможнага гола ў матчы 1/8 фіналу Лігі чэмпіёнаў супраць «Порту» (1:0), падзяліўся ўражаннямі ад гульні.

«Было важна атрымаць перамогу. І мы вельмі хацелі забіць другі мяч.

Мне прыйшлося перажыць некалькі няпростых месяцаў. Рады, што я зноў у страі і магу дапамагаць камандзе дасягнуць нашых агульных мэт. Я не аднаасобнік – мне хочацца старацца дзеля «Інтэра».

Я вельмі рады гэтай перамозе. Хочам працягваць у тым жа духу», – сказаў Лукаку.

Бельгійскі нападаючы вызначыўся голам у другім матчы запар. Да гэтага ў апошні раз Лукаку забіваў у кастрычніку.

Аўтар: cымон pушынскі

Крыніца: афіцыйны сайт УЕФА