Златка Даліч пра тое, чаму не галасаваў на прэміі FIFA The Best: «Дзе, акрамя Модрыча, ёсць харваты ў спісе прэтэндэнтаў на найлепшага гульца?»

Галоўны трэнер зборнай Харватыі Златка Даліч расказаў, чаму не ўдзельнічаў у галасаванні прэміі FIFA The Best.

«Я расчараваны тым, як ФІФА ставіцца да Харватыі. Мы заслужылі больш павагі. Наша каманда адзіная, якая выйшла ў паўфінал чэмпіянату свету і Лігі нацый УЕФА. Мы шакавалі ўвесь свет, перамогшы аднаго з фаварытаў – Бразілію. Акрамя французаў, толькі мы заваявалі медалі на двух чэмпіянатах свету запар. Французаў абыгрывалі ў Парыжы, Данію ў Капенгагене, выбілі яшчэ Бельгію з ЧС-2022, у 23 матчах пасля Еўра саступілі ўсяго двойчы.

Паглядзіце на спіс з 14 прэтэндэнтаў на званне найлепшага гульца свету – дзе ёсць харваты, акрамя Модрыча? Я не буду пералічваць людзей з іншых краін, бо вельмі паважаю кожнага з іх, але хіба не было месца для Кавачыча, Гвардыёла, Ліваковіча?

Сярод пяці намінаваных трэнераў, якіх я вельмі паважаю, ёсць трое, ніводны з якіх не дамогся поспеху ні ў Лізе нацый, ні на ЧС. Пры ўсёй павазе да поспеху Марока, Харватыя мае нічыю і перамогу ў матчы за бронзу ў двух асабістых сустрэчах.

Я лічу, што наша зборная заслугоўвае большай павагі – такой жа, якую праяўляем у дачыненні да сапернікаў мы самі. Калі б англійскія, бразільскія, іспанскія, нямецкія ці італьянскія гульцы і трэнеры дасягнулі такіх жа вынікаў, як мы, яны былі б шырока прадстаўлены ва ўсіх галасаваннях

Таму я вырашыў, што не буду ўдзельнічаць у галасаванні ў гэтым годзе, але віншую ўсіх пераможцаў з заслужанымі ўзнагародамі», – сказаў Даліч.