Руслан Лісаковіч пра пераход у «Дынама» з Махачкалы: «Я ўпэўнены, што гэта крок наперад»

Беларускі паўабаронца «Дынама» з Махачкалы Руслан Лісаковіч распавёў пра пераход у расейскі клуб.

– На радзіме, у Беларусі, як можна зразумець, не чакалі, што ты пяройдзеш у махачкалінскае «Дынама». Да цябе была цікавасць вядучых беларускіх клубаў, але многія чакалі, што ты знойдзеш варыянт у еўрапейскіх чэмпіянатах. Што вызначыла выбар на карысць «Дынама»?

– Я выразна для сябе зразумеў, што хачу змяніць Чэмпіянат. Былі розныя прапановы, але самае канкрэтнае паступіла з «Дынама», прадстаўнікі якога на працягу доўгага часу заставаліся са мной на сувязі і былі па-добраму настойлівыя.

– Не ўспрымаеш пераход у першую лігу Расеі як крок назад у параўнанні з выступамі ў элітным дывізіёне Беларусі?

– Не ўспрымаю. Я ўпэўнены, што гэта крок наперад, – сказаў Лісаковіч.