Скрыпчанка пра 2:0 з «Арсеналам»: «Заключны спарынг – магчымасць прымяніць на практыцы напрацоўкі, каб канчаткова вызначыцца са складам ужо ў праламленні на 1-ы тур ЧБ»

Галоўны трэнер мінскага «Дынама» Вадзім Скрыпчанка пракаментаваў перамогу над «Арсеналам» з лікам 0:2 у заключным таварыскім матчы перад першым турам чэмпіянату Беларусі.

«Заключны перад пачаткам чэмпіянату кантрольны матч – гэта магчымасць прымяніць на практыцы сякія-такія напрацоўкі, каб канчаткова вызначыцца са складам ужо ў праламленні на паядынак 18 сакавіка з «Іслаччу».

Зразумела, што ёсць яшчэ тыдзень падрыхтоўкі – паглядзім, у якім стане, тонусе будуць хлопцы. Але фінальная рэпетыцыя, лічу, атрымалася – прадэманстравалі добры рух, арганізоўвалі добрыя камбінацыі.

Мабыць, стартавыя хвілін 15 атрымаліся не вельмі якаснымі, паколькі спатрэбілася крыху часу на адаптацыю да мясцовай «сінтэтыкі». У далейшым мы валодалі ініцыятывай, у другім тайме пасля серыі замен стваралі яшчэ больш момантаў. Не ўсё склалася з рэалізацыяй. Увесь час кажу падапечным: кожная галявая сітуацыя – вырашальная ў гульні. І чым больш эфектыўна дзейнічаеш у завяршальнай стадыі атак, тым вышэй шанцы атрымаць перамогу.

Цешыць, што не прапусцілі, хоць часам абараняліся не ідэальна. Трэба аддаць належнае саперніку, які ставіць задачу вярнуцца ў элітны дывізіён – і выйшаў на поле з хвацкай матывацыяй, годна выявіў сябе», – сказаў Скрыпчанка.