Скрыпчанка аб пераходзе Грэчыха і Канцавога ў БАТЭ: «У мінскім «Дынама» павінны заставацца толькі тыя людзі, якія хочуць гуляць за каманду»

Галоўны трэнер мінскага «Дынама» Вадзім Скрыпчанка пракаментаваў пераход паўабаронцаў Арцёма Канцавога і Дзяніса Грэчыха ў БАТЭ.

«[Яны сышлі] па адной простай прычыне: у мінскім «Дынама» павінны заставацца толькі тыя людзі, якія хочуць гуляць за мінскае «Дынама». Ёсць футбалісты, якія жадаюць, але не могуць, ёсць футбалісты, якія могуць, але не жадаюць.

У мінскім «Дынама» павінны застацца толькі тыя футбалісты, якія могуць і хочуць адначасова. Таму сёння ў складзе мінскага «Дынама» усе тыя футбалісты, якія хочуць і могуць дасягаць вялікіх мэт», – сказаў Скрыпчанка.