Кандрацьеў пра матч са Швейцарыяй: «Чаго баяцца? Знаходзімся ў канцы першай сотні сусветнага рэйтынгу. Яны – наверсе. Няхай нас баяцца...»

Галоўны трэнер зборнай Беларусі па футболе Георгій Кандрацьеў падзяліўся чаканнямі ад першага матча каманды ў адборы да Еўра-2024 супраць Швейцарыі, які пройдзе 25 сакавіка.

– Першы сапернік па адборачным цыкле – зборная Швейцарыі...

– Гэта галоўны фаварыт гурта. Многіх футбалістаў ведаю яшчэ па выступленнях за маладзёжную зборную. Разам гуляюць даўно, адчуваюць адзін аднаго з зачыненымі вачамі. Вось у мяне ў руках ростер суперніка і кошт гульцоў. 30, 25, 15 мільёнаў долараў, 15, 10. Выступаюць у сур'ёзных чэмпіянатах, у самавітых клубах. І сезон у іх у самым разгары. А ў нас прайшоў толькі першы тур, ігралі на сінтэтыцы. Будзе вельмі складана перабудавацца на натуральны газон. Швейцарцы, зразумела, не дадуць дзейнічаць з пазіцыі сілы. У майстэрстве яны нас пераўзыходзяць. Але чаго іх баяцца? Яны фаварыты, але я ўжо неаднаразова казаў, што люблю ваяваць з моцнымі апанентамі. Хлопцы, спадзяюся, прытрымліваюцца такога ж меркавання.

– Што можна супрацьпаставіць масцітаму суперніку?

– Уключаць маральна-валявыя якасці, праяўляць характар, згуляць дысцыплінавана. Перамагаць можна любога. Ніхто мяне ў гэтым не пераканае. Чаго баяцца? Знаходзімся ў канцы першай сотні сусветнага рэйтынгу. Швейцарцы – наверсе. Няхай яны нас баяцца... Адзін канкрэтны паядынак заўсёды можна пакінуць за сабой. Непераможных няма. Не лыкам шытыя і румыны. Ведаю, што яны таксама паставілі задачу выйсці ў наступны круг, – сказаў Кандрацьеў.