УЕФА прызначыў інспектараў для расследавання магчымага парушэння «Барселонай» правілаў саюза па справе Негрэйры

Інспектары правядуць расследаванне патэнцыйнага парушэння прававых рамак УЕФА з боку «Барселоны» ў сувязі са справай Негрэйры. Больш дэталяў саюз пакуль не абнародуе.

Была інфармацыя, што УЕФА можа адхіліць Барселону на адзін сезон ад еўракубкаў з-за справы Негрэйры.

У рэгламенце УЕФА пазначана, што калі клуб уцягнуты прама ці ўскосна ў любую дзейнасць, накіраваную на арганізацыю ці ўплыў на вынік матчу на нацыянальным ці міжнародным узроўні – УЕФА абвесціць гэты клуб такім, які не мае права ўдзельнічаць у спаборніцтве. Гэта дыскваліфікацыя будзе дзейнічаць толькі на працягу аднаго футбольнага сезона.

Чакаецца, што УЕФА можа прыняць такое рашэнне ў чэрвені.