Трэнер Румыніі Іарданеску: «Супраць Швейцарыі ў Беларусі не было 5 асноўных гульцоў – магчыма, яны хацелі выдаць найлепшы вынік у Бухарэсце»

Галоўны трэнер зборнай Румыні Эдвард Іарданеску пракаментаваў маючы адбыцца матч супраць Беларусі ў кваліфікацыі да ЧЕ-2024.

«Мы вельмі стаміліся [пасля матчу з Андорай], таму што час быў нашым ворагам у спалучэнні з дарогай. Мы спазніліся на самалёт і вярнуліся дадому а 10 гадзіне вечара. Гэта цяжка, гэта вельмі складаная паездка. Наша самая вялікая праблема – фізічна аднавіць гульцоў, таму што маральна яны даволі добрыя.

Што да саперніка, то магу сказаць толькі адно, пяць стартавых гульцоў не гулялі [супраць Швейцарыі]. Гэта прымушае задумацца, чаму Беларусь выбрала такую стратэгію. Магчыма, яны адчувалі, што ў іх мінімальныя шансы са Швейцарыяй, і былі ўпэўненыя, што яны могуць выдаць найлепшы вынік у Бухарэсце. Беларусь – гэта іншая каманда ў параўнанні з Андорай. У яе выдатная тэхнічная якасць, яна мацнейшая, больш масіўная, больш пазітыўная, чым Андора.

Магчыма, будуць змены [у стартавым складзе зборнай Румыніі], у нас таксама ёсць некаторыя праблемы са здароўем, несур'ёзныя, але яны ёсць. Заўтра, у абедзенны час, мы пастараемся вызначыцца са стартавым складам, і я спадзяюся, што мы пакажам добрую гульню», – сказаў Іарданеску.

Матч Румынія – Беларусь адбудзецца заўтра ў 21:45.