Трэнер Румыніі Іарданеску: «Лічу, што вынік адпавядае гульні. Калі б мы зрабілі лік 3:0, то канцоўка матчу была б больш спакойнай».

Галоўны трэнер зборнай Румыніі Эдвард Іарданеску пракаментаваў перамогу над зборнай Беларусі (2:1) у кваліфікацыі да ЧЕ-2024.

«Хачу павіншаваць каманду і падзякаваць заўзятарам. Мы атрымалі перамогу, у нас 6 ачкоў, да чаго мы і імкнуліся, мэта дасягнута.

У нас быў вельмі добры першы тайм, а ў другім у нас былі моманты і магчымасці забіць. Мы маглі зрабіць лік 3:0. Калі б мы забілі трэці гол, то зараз казалі б больш спакойна. Але мы набралі шэсць ачкоў, і гэта станоўчы момант. Мы бачылі мужнасць, упэўненасць і добрую гульню ў першым тайме. Калі мы будзем больш прагматычнымі і рашучымі, я буду на 100 працэнтаў шчаслівы. Гульня павінна быць вырашана, па меншай меры, да другой паловы другога тайма.

Я быў бы шчаслівейшы, калі б мы забілі яшчэ адзін гол і не прапусцілі. Было б дзве гульні без прапушчаных мячоў. Але мы мусім вучыцца. Добра, што зараз мы вучымся на перамозе. Дадатным момантам, апроч таго, што мы набралі ачкі, была наша гульня ў шматлікіх момантах, асабліва ў другім тайме, калі мы маглі зрабіць лік 3:0 і казаць ужо ў іншым тоне. Нам пакуль бракуе сталасці і нават прагматызму.

Я лічу, што вынік адпавядае гульні. У зборнай Беларусі была магчымасць, яны забілі. У нас было яшчэ як мінімум тры-чатыры моманты, якія мы не рэалізавалі. Калі б мы зрабілі лік 3:0, то канцоўка матча была б больш спакойнай.

Мы рады двум перамогам у двух матчах, таму з добрым настроем рухаемся наперад і з цікавасцю чакаем чэрвеня», – сказаў Іарданеску.