Улады Саудаўскай Аравіі хочуць, каб у кожным з чатырох найбуйнейшых клубаў краіны гуляла зорка
Улады Саудаўскай Арабіі імкнуцца запрасіць у чатыры найбуйнейшыя клубы краіны зорак футбола для павышэння ўзроўню і пазнавальнасці чэмпіянату, паведамляе Foot Mercato.
Для рэалізацыі гэтай ідэі нават быў наняты былы генеральны дырэктар «Манчэстэр Сіці» Гары Кук. Гаворка ідзе пра «Аль-Наср», дзе ўжо гуляе Крышціяну Раналду, «Аль-Хілаль», «Аль-Ітыхад» і «Аль-Ахлі».
«Аль-Хілаль» марыць пра падпісанне Ліянэля Месі, і ў клуба ёсць дастаткова фінансавых аргументаў, каб пераканаць 35-гадовага аргентынца.
«Аль-Ахлі» марыць пра Луку Модрыча, нават нягледзячы на тое, што харват схіляецца да падаўжэння кантракту з «Рэалам».
«Аль-Ітыхад» хоча падпісаць Карыма Бензема, француз нават паспеў пагутарыць з віцэ-прэзідэнтам клуба, ветліва адхіліўшы яго прапанову.