Намеснік старшыні АБФФ Ботнікаў: «У студзені прыйшоў запыт ад «СК», гэта быў першы сігнал, што ў нашым футболе нешта нядобра»
Намеснік старшыні АБФФ Міхаіл Ботнікаў расказаў, калі ў федэрацыі даведаліся пра «дагаварныя матчы».
«Прыкладна ў канцы студзеня да нас прыйшоў запыт са Следчага камітэта па прадастаўленні пэўных звестак датычна асобных матчаў. Гэта быў першы сігнал пра тое, што ў нашым футболе нешта нядобра. У нас у федэрацыі ёсць афіцэр сумленнасці, яму было дадзена даручэнне па прадастаўленні ўсіх матэрыялаў, – цытуе Ботнікава Sport5 са спасылкай на праграму «На грани фола».
Нагадаем, КДК АБФФ разгледзеў інфармацыю, што ў ЧБ-2022 кіраўніцтва «Шахцёра» арганізавала дагаворныя матчы і фінансава стымулявала клубы вышэйшай лігі. У выніку «Шахцёр» быў пазбаўлены залатых медалёў, «Энергетык-БДУ» – сярэбраных. У гэтых клубаў і «Белшыны» таксама знялі ачкі на сезоны 2023 і 2024 гадоў. 30 чалавек атрымалі розныя дыскваліфікацыі і штрафы, але 25 з іх не будуць забаненыя, калі выплацяць прызначаныя сумы. Падрабязней пра справу «Шахцёра» можна даведацца па спасылцы ніжэй.
