Сімоне Індзагі – пра перамогу ў Кубку Італіі: «Хлопцы зрабілі ўсё магчымае, каб застацца ў гульні і пераламаць ход матчу»

Галоўны трэнер «Інтэра» Сімоне Індзагі пракаментаваў перамогу ў Кубку Італіі.

«Я шчаслівы, бо мы выйгралі кубак, які мы хацелі, каб зацвердзіць тое, што мы зрабілі ў мінулым сезоне. «Фіярэнціна» – якасная каманда, якая стварыла нам шмат праблем.

Мы дрэнна пачалі і мелі няправільны падыход – гэта рэдкасць для нас. Але хлопцы зрабілі ўсё магчымае, каб застацца ў гульні і пераламаць ход матча.

Наперадзе два апошнія матчы ў Серыі А, затым Стамбул (фінал Лігі чэмпіёнаў супраць «Манчэстэр Сіці») і цудоўны сезон, які мы хочам працягнуць», – сказаў Індзагі.

Дзякуючы ўчарашняй перамозе Індзагі выйшаў на другое месца па колькасці перамог у Кубку Італіі (3).