Гулец «Тарпеда-БелАЗ» Мякіш: «Лічу сваю перамогу ў Кубку заслугай і Альшэўскага»

Паўабаронца «Тапеда-БелАЗ» Максім Мякіш падзяліўся эмоцыямі пасля перамогі каманды над БАТЭ ў фінале Кубка Беларусі (2:0).

– Перамога ў Кубку згладжвае ўражанне ад няўдалага мінулага сезону?

– Усё-такі ў тым годзе мы згулялі ў турніры толькі адзін матч. Калектыў з таго часу зведаў сур'ёзныя змены. Калі азірацца назад, то нам шмат чаго не ўдавалася.

Магчыма, і ёсць праўда ў тым, што перамога ў Кубку – своеасаблівае кампенсаванне за мінулы сезон. Але пра яго мы ўжо забыліся. Прыйшлі новыя людзі, касцяк будуецца на маладых хлопцах.

Гэты год паказвае, чаго мы варты. Пакуль зорак з неба не хапае, але лакальныя перамогі здабыць удаецца.

– Наколькі было важна асабіста для вас сёння выйграць? Першы трафей у кар'еры ўсё-такі...

– Прызнаюся, эмоцыі змешаныя. Ёсць невялікі сум ад таго, што ў мяне ў БАТЭ засталося шмат вельмі добрых сяброў, з якімі выйграваў чэмпіянат дублёраў. Жадаю ўсім іх падзякаваць.

Таксама вялікі дзякуй галоўнаму трэнеру Кірылу Альшэўскаму за тую сумесную працу, што мы зрабілі разам. Ён шмат чаго мне даў. Лічу, мая перамога з камандай у Кубку – гэта і яго заслуга, бо Кірыл Пятровіч уклаў у маё развіццё шмат сіл, быўшы трэнерам зборных і дубля барысаўчан, – сказаў Мякіш.