УЕФА мае намер увесці гадавы ліміт на трансферы і заробкі
УЕФА распрацоўвае фінансавы план, які будзе карэкціраваць цяперашнія правілы фінансавага фэйр-плэй (ФФП), паведамляе The Times.
Новыя правілы фінансавай устойлівасці пачынаюць дзейнічаць з гэтага года. Згодна з імі, клубы-ўдзельнікі еўракубкаў не змогуць марнаваць больш за 90% прыбытку на зарплату і трансферы гульцоў.
Вядучыя неанглійскія клубы звярнуліся ва УЕФА і адзначылі, што правілы фінансавай устойлівасці толькі будуць дапамагаць англійскім клубам дамінаваць на рынку. Таму УЕФА стварае яшчэ адзін план, які прадугледжвае ўвядзенне ліміту на заробкі, трансферы і выплаты агентам.
Канкрэтная сума ліміту яшчэ не абмяркоўвалася. Для таго, каб план быў зацверджаны, патрэбна «зялёнае святло» ад Еўрапейскага Саюза, а таксама Асацыяцыі еўрапейскіх клубаў, еўрапейскіх ліг і прафсаюза гульцоў.