Хадасевіч пра «Нёман» у еўракубках: «9-я каманда – гэта выглядае вычварна, дзіўна, мы можам паўсміхацца»
Журналіст Мікалай Хадасевіч пракаментаваў навіну, што «Нёман», які заняў 9-е месца ў чэмпіянаце Беларусі-2022, сёлета будзе выступаць у еўракубках.
«Што ў нас аказваецца? «Нёман» – дзявятая каманда па выніках мінулага чэмпіянату – згуляе ў выніку кваліфікацыі Лігі Канферэнцыі. Дарэчы, зусім хутка лёсаванне, так што беларускія клубы пазнаюць сваіх супернікаў у еўракубках.
І туды, апроч БАТЭ, які ідзе ў Лігу чэмпіёнаў у разабраным стане, мінскае «Дынама» ў сабраным стане ідзе ў Лігу канферэнцыі. Далей адшпілілі «Шахцёр», адшпілілі «Энергетык-БДУ», далей «Мінск» і «Гомель» адшпілілі па ўмове ўвогуле любой задумы, як там адбываецца. Далей «Іслач» быццам бы рыхтавалася, але яна ж таксама ў дагаворніках удзельнічала, яе таксама адшпільваюць. І пападае «Нёман».
«Нёман» у Лізе Канферэнцыі. Вы ведаеце, мне ад гэтага ні холаду, ні горача.
Памятаеце, раней у нас была ў самыя лепшыя часы такая спрэчка, а хто ж павінен у еўракубках увогуле згуляць, хто лепш гатовы?
«Нёман», які прэ на медалі, дзе Павел Савіцкі свае рэкорды б'е. «Нёман», які знаходзіцца ўверсе, «Нёман», які па выніках апошніх дзесяці матчаў знаходзіцца ўвогуле ў лідзіруючых пазіцыях.
З Ігарам Кавалевічам, разам з гэтым карнавальным беларускім футболам, дзе ўсё там адбываецца недзе ў цені, «Нёман» пойдзе ў еўракубкі. Увогуле ж, пойдзе і пойдзе, мы вядома паглядзім, як тамака згуляецца.
І дзявятая каманда, але гэта, вядома, выглядае вычварна, гэта выглядае дзіўна, мы можам паўсміхацца», – сказаў Хадасевіч.
