На прэс-канферэнцыі зборнай Беларусі журналіст спрабаваў спытаць пра сітуацыю ў краіне, але яго перарвалі (sport5.co.il)

15 чэрвеня ў Будапешце прайшла прэс-канферэнцыя зборнай Беларусі напярэдадні матча з Ізраілем. Як паведамляе сайт sport5.co.il, беларускі бок пазбягае пытанняў пра вайну і палітыку.

– Палякоў не адзіны, хто асцерагаецца казаць супраць [так званага] урада. Астатнія гульцы, большасць з якіх гаворыць толькі па-руску, трымаюцца ў баку ад пытанняў журналістаў.

Адзін з іх, венгерскі журналіст, учора ўвечары на прэс-канферэнцыі паспрабаваў спытаць пра сітуацыю ў Беларусі і падтрымку Расіі [у вайне супраць Украіны]. Аднак яго папрасілі казаць пра футбол, – піша sport5.co.il.

Нагадаем, з 24 лютага 2022 году Расія працягвае вайну ва Украіне з выкарыстаннем тэрыторыі Беларусі.