Хадасевіч пра зборную Беларусі: «Перад кожным матчам расказваюць, маўляў, вось пераможам, ставім мэты. #####, якія вы мэты ставіце?»
Журналіст Мікалай Хадасевіч пракаментаваў выказванне капітана зборнай Беларусі Сяргея Паліцевіча пра тое, што беларусам трэба перамагаць у астатніх матчах адбору да Еўра-2024. Нагадаем, што Беларусь уступіла Ізраілю з лікам 1:2.
«З'яўляецца Сяргей Паліцевіч, капітан, і пачынае казаць пра тое, што ну нарэшце мы ставім нейкія мэты… ##### [чорт], якія вы мэты ўвесь час ставіце, скажыце мне, калі ласка. Якія мэты? Прычым перад кожным выездам вы расказваеце пра тое, што вось зараз мы абавязкова пераможам, вось зараз мы павінны там нешта…
Па-першае, нікому не павінны нічога, гуляйце сабе ў футбол, і менш проста бразкайце языком. Асабліва гэта тычыцца Паліцевіча, які столькі ў футболе, які мусіць разумець, што гэта нейкім бумерангам прылятае. Бо два моманты: калі спачатку мяч ад яго залятае ў сетку, умешваюцца суддзі на VAR, і аўтагол не залічваюць; але праз нейкі час ён выбівае мяч са штрафной, і прамой нагой улятае суперніка, за што ўжо прызначаецца пенальці. І так лік становіцца нічыйным – 1:1.
Гэта ўжо ў самым канцы, калі цярпенне ўжо на сходзе. Калі ціск, таму што зборная Ізраіль на другі тайм выйшла вельмі магутна, і мне падалося проста, што на лаўцы запасных не вельмі разумелі, што рабіць, не было ніякага «плана Б», усведамляючы, што трэба нешта рабіць, спрабаваць адсоўваць мяч. проста ад сваіх варот. І немагчыма ўвесь час абараняцца, адбівацца, біць кудысьці наперад, тамака ніхто не чапляецца.
Мне здаецца, тут у нейкай ступені былі проста рандомныя замены для таго, каб нешта асвяжаць. Таму што замена Марозава на Бахара, я не ведаю, можа, у Марозава нешта здарылася, выглядала дзіўна. Ну і плюс іншыя замены толькі для таго, каб адбівацца, а гэта, ведаеце, да чаго прыводзіць у шматлікіх выпадках, што ніякага фарту тут не набярэшся.
Асабліва калі яго ніколі яшчэ і не было. Так што, калі ў выніку гэты ціск адбіваецца на памылцы Ігнатовіча, нічога звышнатуральнага не адбылося. Зборная Беларусі свой чарговы матч прайграла, прайграла ў канцоўцы, бясслаўна і гэтак далей», – сказаў Хадасевіч.
