«Няма агрэсіі і крэатыву ў атацы, плюс тыя памылкі ў абароне, якія пераследуюць нас па ходзе ўсяго сезону. Усё гэта прывяло да такога сумнага выніку. Перш за ўсё, нам не хапае ўпэўненасці ў сваіх сілах. Адну гульню праводзім добра, а другую дрэнна. Такія вось арэлі.

Многія гульцы выходзяць з падвойным энтузіязмам і жаданнем супраць сваіх былых каманд. Нядзіўна, што Макась глядзеўся і стараўся паказаць, нездарма ён тут знаходзіўся. З яго боку было велізарнае жаданне паказаць і даказаць.

Лапага быў дададзены ў лінію атакі, каб дадаць нам хуткасці. Ён выйшаў і паказаў, што ёсць хуткасць і ўменне дзейнічаць нестандартна. Праўда пакуль не хапае ўзаемаразумення. Пазняк – цэнтральны абаронца, якога мы вельмі добра ведаем і працавалі з ім раней. Ён для ўзмацнення, так як у цэнтральнай зоне дапускаецца вельмі шмат памылак. Плюс, ён беларус. Што тычыцца Карцова, то ён закліканы ўзмацніць нашы атакуючыя дзеянні і ствараць моманты наперадзе», – сказаў Нікіфарэнка

Аўтар: Юрый Дыбоўскі

Крыніца: Прэс-служба «Дынама» Брэст