Дзмітрый Камароўскі: «Не мае значэння, хто ў руля зборнай, хоць іншапланецянін. Хацелася б, каб да футбола тварам павярнуліся людзі»

Галоўны трэнер «Іслачы» Дзмітрый Камароўскі пракаментаваў прызначэнне Карласа Алоса на пасаду галоўнага трэнера зборнай Беларусі.

– Нацыянальную зборную ўзначаліў іспанскі трэнер Карлас Алос Ферэр. Можа гэтае прызначэнне стаць глытком свежага паветра для галоўнай каманды краіны?

– Усё роўна, хто ўзначаліў нацыянальную зборную, хоць іншапланецянін. Але мне, як заўзятару ў першую чаргу, хацелася, каб да футбола тварам павярнуліся людзі, гледачы. Гэта самае галоўнае. А хто будзе ў руля ўсё роўна. Кансалідацыя грамадства павінна была ў гэтым плане да футбола, як да спорту нумар адзін у свеце. Хочацца бачыць больш цёплае стаўленне да футбола.

– Справа менавіта ў заўзятарах?

– Нельга сказаць, што гэта віна заўзятараў. Усё ўзаемазвязана. Футбол – гэта наогул адлюстраванне таго, на якой хвалі цяпер знаходзіцца грамадства. Цяпер такая сітуацыя цяжкая ў свеце. І хацелася б, каб менавіта футбол стаў своеасаблівай аддушынай для заўзятараў, – сказаў Камароўскі.