Прэзідэнт Эстонскай футбольнай асацыяцыі аб матчах са зборнай Расіі U-17: «Прымем рашэнне, калі ўзнікне рэальная сітуацыя»

Прэзідэнт Эстонскай футбольнай асацыяцыі Айвар Пахлак пракаментаваў рашэнне УЕФА дазволіць зборным Расіі U-17 вярнуцца на міжнародныя спаборніцтвы. У 2026 годзе ў Эстоніі пройдзе чэмпіянат Еўропы U-17. Пахлак сказаў, што рашэнні аб допуску расійскіх спартсменаў у краіну і вочных матчах эстонскай і расійскай зборных U-17 будуць прыняты, калі гэта запатрабуе рэальная сітуацыя. «УЕФА ведае пра палітыку ўрада Эстонскай Рэспублікі ў адносінах да расійскіх спартоўцаў, паколькі гэтыя тэмы таксама ўздымаліся ў сувязі з клубнымі спаборніцтвамі УЕФА. Да фінальнага турніру чэмпіянату Еўропы-2026 U-17 засталося тры гады, а адборачным гульням таксама папярэднічае магчымае выступленне зборнай Расіі U-17. Асабіста я спадзяюся, што да таго часу скончыцца вайна ва Украіне і адновяцца нармальныя адносіны паміж краінамі і народамі. Калі цяперашняя сітуацыя будзе працягвацца, Эстонская футбольная асацыяцыя будзе выконваць абавязковыя рашэнні ўрада Эстонскай Рэспублікі аб нядопуску расійскіх спартоўцаў у краіну, і мы не бачым магчымасці патрабаваць выключэнні для такога вялікага спаборніцтва, калі мы не атрымаем выразны сігнал, што стаўленне да непаўналетніх спартоўцаў змянілася. Адносна рашэння УЕФА аб магчымых адборачных матчах паміж зборнымі Эстоніі і Расіі U-17, мы будзем сачыць за развіццём сітуацыі і будзем прымаць рашэнні, калі ўзнікне рэальная сітуацыя, таму што абставіны, звязаныя з гэтай тэмай, могуць змяніцца з часам», - сказаў Пахлак . Раней у Англіі, Літве, Латвіі і Польшчы паведамілі, што не будуць гуляць супраць расейскіх каманд. Федэрацыя футбола Чэхіі заявіла, што вызначыцца са сваёй пазіцыяй пазней. Да гэтага ўсе расейскія клубы і зборныя былі адхіленыя ад спаборніцтваў з-за агрэсіі РФ супраць Украіны.