– Хлопцы малайцы. Я думаю, ні ў кога не ўзнікае сумненняў у нашай перамозе. Выніковы лiк, прынамсі, заканамерны. Усё ж «Нафтан» – няпросты супернік. У апошніх гульнях нікому з ім не было лёгка, таму мы сур'ёзна рыхтаваліся да гэтага паядынку. Дзякуй вялікі камандзе за тое, што яна вельмі адказна падышла да гульні і выканала ўсё, аб чым мы дамаўляліся. Гэта вылілася ў шматлікія моманты і забітыя галы.

– З чым звязваеце найлепшую рэалізацыю момантаў у другім тайме?

– Гэта ўсё звязваецца з колькасцю, якое пераходзіць у якасць. Калі каманды англійскай прэм'ер-лігі могуць стварыць два-тры моманты і забіць гол, то мы, на жаль, такой статыстыкай пахваліцца не можам. Нашай камандзе трэба больш галявых магчымасцяў: неабходна часцей дастаўляць мячы ў тыя зоны, адкуль будуць рабіцца перадачы; часцей знаходзіцца ў тых зонах, куды гэтыя мячы ідуць; часцей біць па варотах і ісці на дабіванне. І гэтая колькасць перайшла ў выніковыя лічбы на табло. Але нават у другім тайме мы выкарыстоўвалі далёка не ўсе моманты. Паверце, калі б я ведаў рэцэпт паспяховай рэалізацыі, мы б ім скарысталіся. Калі мы бярэм заключную фазу завяршэння момантаў, то для мяне больш важна, што там знаходзіўся наш футбаліст. Гэта значыць, што ён разумее тую мадэль і структуру, якую я прапаную камандзе. Ён разумее дынаміку развіцця падзей, аказваецца ў патрэбнай зоне і наносіць удар. Усе мы цудоўна ведаем, што за высокі каэфіцыент колькасці і якасці трэба плаціць грошы. Калі гулец забівае з аднаго ці двух момантаў, то ў яго топ-узровень для вызначанай лігі. Усюды ёсць футбалісты, якія выдзяляюцца на фоне астатніх за кошт свайго ўзроўню майстэрства. Мы павінны разумець, што калі наш футбаліст знаходзіцца ў той зоне і наносіць удар, то ён ужо малайчына, але не да канца. Бо ўсё ж трэба завяршаць.

– Гледзячы на выніковасць у гэтым матчы, можна сказаць, што адсутнасць Макася не моцна адбілася? Як хутка нападаючы вернецца на поле?

– Я ўжо калісьці казаў, што не хачу залежаць ад канкрэтнага футбаліста. Але я разумею, што кожны футбаліст індывідуальны і ўнікальны, а ўсе разам мы становімся моцнай камандай. На апошняй хвіліне гульні з барысаўчанамі Саша атрымаў траўму. Ён аднаўляецца і праходзіць курс рэабілітацыі. Ні ў якім разе не скажу, што Макась не дапамог бы нам у гульні з «Нафтанам». Цяпер прыйшоў час іншых хлопцаў, якія ўзялі на сябе ношу лідарства. Усё робіцца дзеля таго, каб каманда была паспяховай. Мы ўсе з нецярпеннем чакаем вяртання Сашы, каб ён ізноў паказваў той узровень футбола, які дэманстраваў да траўмы. Упэўнены, што ён яшчэ прынясе карысць у гэтым сезоне, – сказаў Камароўскі.

Аўтар: bytribuna com

Крыніца: fcisloch.by