Футбольная асацыяцыя Англіі (FA) праводзіць расследаванне эпізоду, які адбыўся ў матчы АПЛ «Тотэнхэм» – «Чэлсі» 6 лістапада. Падчас гульні адзін з заўзятараў кінуў у гульца «сініх» Коўла Палмера прадмет, які патрапіў яму ў нагу.

Гэта адбылося пасля таго, як паўабаронца зраўняў лік з пенальці. Калі футбалісты «Чэлсі» вярталіся на сваю палову поля, каб працягнуць гульню, Стэрлінг падняў гэты прадмет і кінуў яго назад у натоўп на трыбуне.

Спачатку інцыдэнт не быў заўважаны афіцыйнымі асобамі матча, аднак ролік з гэтым дзеяннем з'явіўся ў сацыяльных сетках.

Футбольная асацыяцыя Англіі разглядае гэты эпізод, каб вызначыць, ці трэба прымяняць санкцыі ў дачыненні да гульца.

Раней FA ужо дыскаліфікавала футбалістаў за падобныя дзеянні. У 2022 годзе форвард «Тотэнхэма» Рышарлісан быў дыскваліфікаваны на 1 матч за тое, што кінуў запалены фаер назад на трыбуну. У 2008-м Дзідзье Драгба быў адхілены на 3 матчы пасля таго, як кінуў манету ў заўзятараў «Бернлі».

У нядзелю «Чэлсі» ў рамках АПЛ сустрэнецца з «Манчэстэр Сіці», але любыя санкцыі, калі і будуць ужытыя да Стэрлінга, то ўжо пасля паўзы на матчы зборных.

Аўтар: cымон pушынскі

Крыніца: Evening Standard

Футбольная асацыяцыя Англіі