«Пахтакор» Паўлючэнка зноў стаў чэмпіёнам Узбекістана

24 лістапада ў матчы 25-га тура чэмпіянату Узбекістана «Пахтакор» на выездзе перайграў «Сурхан» (2:1). У складзе гасцей увесь матч правёў на полі беларускі галкіпер Павел Паўлючэнка.

Перамога дазволіла «Пахтакору» аформіць датэрмінова чэмпіёнскі тытул. Для каманды ён ужо 16-ы, пры гэтым пяты – запар.

За адзін тур да заканчэння першынства апярэджвае «Насаф», які размяшчаецца на другім месцы, на 6 балаў.

У сёлетнім сезоне Паўлючэнка правёў за каманду ва ўсіх турнірах 7 матчаў.