Футбаліст зборнай Беларусі: «Пра гонар за краіну Алос не пытае, але ледзь не перад кожнай гульнёй нагадвае, што мы павінны выкладвацца напоўніцу дзеля краіны»

Футбаліст зборнай Беларусі распавёў, ці сапраўды Карлас Алос задае гульцам пытанне пра гонар за краіну.

Карлас Алос: «Кожны збор я пачынаю з пытання футбалістам, ці ганарацца яны сваёй краінай»

– Насамрэч такіх пытанняў, па-мойму, ён не задае, але, сапраўды, на кожным зборы і ледзь не перад кожнай гульнёй нагадвае, што мы павінны ганарыцца тым, што знаходзімся ў зборнай, кажа, што мы павінны выкладвацца напоўніцу дзеля сваёй краіны, сваіх заўзятараў. Адмысловых матывацыйных прамоў у яго няма, нікога не цытуе, але ў Алоса атрымліваецца наладзіць футбалістаў на змаганне. Можа, за кошт эмоцый? Іспанец жа, гарачы, – высоўвае гіпотэзу футбаліст зборнай.

Tribuna.com публікуе каментарыі спікераў, якія знаходзяцца ў Беларусі, ананімна для іх бяспекі.

«Кандрацьеў адным сваім выглядам усяляў нуду і маркоту». Галоўнае, што трэнер-іспанец ужо зрабіў у зборнай