Максім Скавыш: «Толькі мінскае «Дынама» і «Нёман» маглі ўзяць залатыя медалі»
Форвард «Шахцёра» Максім Скавыш пракаментаваў чэмпіёнства мінскага «Дынама».
– Я гуляў супраць іх, яны заслужаныя чэмпіёны. Па камандзе ў іх 20 добрых футбалістаў, то бок і на замену выходзілі добрыя футбалісты. Гэта значыць, заўсёды ўзмацнялі гульню, у прынцыпе яны заслугоўваюць.
Гродна, калі ўзяць, то яны маглі з Гродна пабіцца, бо Гродна добрая каманда.
Гродна добрую гульню паказвала. Толькі дзве каманды, якія маглі ўзяць залатыя медалі.
– Гародня добрая каманда, Дынама добрая, а ў «Шахцёра» мінус проста вялікі, таму немагчыма было дастаць?
– «Тарпеда» пачало буксаваць пасля Еўракубкаў, гэта значыць яны амаль адразу і адпалі. І вось дзве каманды білася. У прынцыпе, калі б Гродна чэмпіёнамі сталі, я б тое самае сказаў што заслужана, – сказаў Скавыш.
