– Не магу сказаць, што ставілася жорсткая задача па выхадзе з групы на еўра ў бягучай кваліфікацыі. Як вы ведаеце, пачатак быў не вельмі добры, тры паразы і перамога над Косава, але мае першыя словы футбалістам былі наступнымі: мы тут для таго, каб кваліфікавацца, футбол гэта не пра будучыню, а пра сучаснасць. Я настройваў каманду толькі на станоўчы вынік, каб дамагчыся максімуму і кваліфікавацца, зараз кваліфікацыя скончылася і мы там, дзе мы знаходзімся. Вы разумееце, калі б у матчы з Андоры ў нас была перамогі і мы змаглі б утрымаць перамогу над Швейцарыяй, мы маглі б апынуцца на другім месцы, я сказаў пра гэта футбалістам, каб яны разумелі, наколькі мы былі блізкія, не хапіла трохі, з Ізраілем мы прапусцілі гол на 90-й хвіліне пры абсалютна нічыйнай гульні. Не магу сказаць, што ставілася жорсткая задача кваліфікавацца, у мяне яшчэ год кантракт, цяпер мы будзем факусавацца на Лізе Нацый і імкнуцца як мага лепш выступіць там.

– У чым бачылі прычыны паражэнняў?

– Адкажу так: я трэнер і я не магу казаць пра іншага трэнера, тым больш, я не быў тут у той момант, для мяне гэта даволі няпроста, я б не хацеў удавацца ў нейкія нюансы. Я прааналізаваў статыстыку зборнай Беларусі, на стартавым адрэзку каманда прапусціла 10 галоў, гэта больш чым любая каманда з нашай групы. Таксама па xG каля брамы нашай каманды была створана найбольшая колькасць момантаў. Безумоўна, гэта была праблема. Скажу шчыра, на сённяшні дзень мы не можам прапусціць тры мячы, а забіць чатыры, пяць. Першае, што трэба было зрабіць – паменшыць колькасць момантаў ля нашай брамы, палепшыць гульні ў абароне. За наступныя тры матчы мы прапусцілі толькі адзін гол, так, мы не забілі, але задача была наладзіць гульню ў абароне, а ўжо потым мы пачалі працаваць над тым, як ствараць моманты, узмацніць гульню ў атацы, – сказаў Алос.

Аўтар: Юрый Дыбоўскі

Крыніца: Sport5.by

Зборная Беларусі па футболе

Карлас Алос

Футбол