У дортмундскай «Барусіі» сумняваюцца ў працы Тэрзіча

Усё больш гульцоў дортмундскай «Барусіі» губляюць веру ў тое, што галоўны трэнер каманды Эдзін Тэрзіч зможа пераламаць сітуацыю з вынікамі, паведамляе Sky Germany.

У камандзе расце працэнт тых, хто крытыкуе Тэрзіча і яго памочнікаў за тактычныя недапрацоўкі.

Два тыдні таму, пасля кубкавага паражэння ад «Штутгарта» (0:2), вядучыя футбалісты нават папрасілі трэнера памяняць тактыку, таму што ў іх склалася ўражанне, што ён здольны на гэта толькі пад прымусам.

У апошнія тыдні некаторыя зоркі падзяліліся сваімі думкамі пра Тэрзіча з генеральным дырэктарам Хансам-Ёахімам Вацке праз вядучых гульцоў, намякаючы, што далейшае супрацоўніцтва з трэнерам немэтазгодна.

Каманда ідзе 5-й у чэмпіянаце Германіі, адстаючы ад першага месца на 13 ачкоў. У апошніх 7 матчах Бундэслігі яна атрымала ўсяго адну перамогу – над «Барусіяй» М у канцы лістапада (4:2).

У Лізе чэмпіёнаў «Барусія» прабілася ў 1/8 фіналу, дзе згуляе з ПСВ.