«Атлетыка» не падтрымаў рашэнне Суда ЕС, які раней пастанавіў, што УЕФА і ФІФА дзейнічалі супраць заканадаўства па канкурэнцыі, заблакаваўшы стварэнне Суперлігі ў 2021 годзе.

«Атлетыка» Мадрыд, прааналізаваўшы рашэнне Еўрапейскага суда, хоча выказаць наступнае:

1. Рэзалюцыя па рамках для папярэдняга дазволу на іншыя спаборніцтвы спасылаецца на састарэлы статут УЕФА, у які ўжо былі ўнесены змяненні ў чэрвені 2022 года.

2. Асацыяцыя еўрапейскіх клубаў (ECA) і УЕФА ўстанавілі партнёрства, якое пазбаўляе сэнс разгляду УЕФА як манаполіі. З-за пагадненняў у рамках гэтага сумеснага прадпрыемства клубы вырашаюць 50 працэнтаў па продажы спонсарскіх і тэлевізійных правоў, размеркаванні даходаў і фарматаў спаборніцтваў.

3. Еўрапейская футбольная супольнасць не падтрымлівае Еўрапейскую Суперлігу. Супраць Суперлігі выступаюць Германія, Францыя, Англія, Італія, Іспанія (акрамя «Рэала» і «Барселоны») і іншыя. Мы выступаем за абарону шырокай еўрапейскай футбольнай сям'і, захаванне ўнутраных ліг і забеспячэнне кваліфікацыі еўрапейскіх спаборніцтваў дзякуючы рэзультатыўнасці на полі кожнага сезона», – гаворыцца на афіцыйным сайце мадрыдцаў.

Адзначым, што ў складзе Суперлігі знаходзяцца якраз два іспанскія клубы – «Рэал» і «Барселона».

Аўтар: cымон pушынскі

Крыніца: афіцыйны сайт «Атлетыка»