Маўрысіа Пачэціна: «Перамога над «Лутанам» – тып выніку, калі трэба, каб усе ў камандзе змагаліся адзін за аднаго»
Галоўны трэнер «Чэлсі» Маўрысіа Пачэціна пракаментаваў перамогу над «Лутанам» (3:2) у АПЛ.
«Я такі рады і шчаслівы, таму што нам трэба было паказваць выдатную гульню, каб абгуляць «Лутан». З папярэдніх матчаў гэтай каманды заўважна, што яе вельмі цяжка ўзламаць, яна вяртаецца ў гульню. Мяркую, яны паказваюць выдатны прыклад. Прарабляюць добрую працу, супраць іх цяжка гуляць на іх стадыёне. Здаецца, я справіўся з сытуацыяй, калі нам трэба было атрымаць перамогу. Думаю, трэнер «Лутана» выконвае фантастычную працу. З імі складана гуляць тут.
У нас было шмат станоўчых момантаў, трэба, каб яны працягваліся. Працоўная этыка. Бачу, што многія аспекты становяцца лепшымі. Але ў той жа час наша каманда маладая. Трэба працаваць разам, каб стварыць давер і ўпэўненасць. Гэта той тып атрымання выніку, калі трэба, каб усе партнёры па камандзе ваявалі адзін за аднаго. Гэта дапамагае і ўвогуле з'яўляецца добрай штукай. Нам трэба імкнуцца мець такое ж стаўленне ўвесь час, таму што ў нас ёсць якасць. Для пачатку трэба адпавядаць гэтаму стаўленню да гульні.
Ціяга Сілва ніколі не радуецца перамогам, такі ён ёсць. Але гэта добра. Яму 39 гадоў, а ён працягвае гуляць. Ён хоча паказаць, што жадае дапамагчы камандзе, гэта эмоцыі», – сказаў Пачэціна.
