Людас Румбуціс: «У чэмпіянаце Беларусі трэба адмяніць ліміт на легіянераў»
Беларускі спецыяліст Людас Румбуціс падзяліўся меркаваннем аб ліміце на легіянераў у чэмпіянаце Беларусі.
– Можа, варта адмяніць ліміт на легіянераў?
– Можна і трэба. Іншаземцы едуць у Казахстан, Азербайджан, Грузію. Да нас – практычна няма. Гэта раней прыязджалі Іваніч, Младзенавіч і потым сыходзілі за добрыя грошы.
А каго прадалі за апошнія гады? Дарба? Без легіянераў мы добрыя ў сябе. Але ж шануецца зусім іншае. Якасць нашага футбола павінна вымярацца толькі па выступленні зборнай і клубаў у еўракубках.
Як было, калі салігорскі «Шахцёр» быў на вядучых ролях і станавіўся ў Беларусі найлепшым? У чэмпіянаце выступаюць пяць легіянераў, а на еўрапейскай арэне ў складзе іх дзевяць. Чатыры новыя футбалісты неабходна ўкараніць! Трэба ж сыграцца, адчуць адно аднаго.
Футбольная каманда – тонкі механізм. Таму ў вышэйшай лізе абмежаванні не патрэбныя, – сказаў Румбуціс.
