Галоўны трэнер «Манчэстэр Юнайтэд» Эрык тэн Хаг на прэс-канферэнцыі пацвердзіў, што клуб вядзе перамовы па падаўжэнні кантракту з нападаючым Антані Марсьялем.

Дзеючая дамова 28-гадовага француза заканчваецца летам. Са старту мінулага сезона ён прапусціў 31 матч з-за траўм. У апошніх 5 гульнях ён не патрапіў у заяўку.

Таксама «МЮ» абмяркоўвае новы кантракт з 30-гадовым Варанам – клуб раней адмовіўся ад актывацыі аўтаматычнай пралангацыі, таму што жадае дамовіцца па памяншэнні зарплаты ў 340 тысяч фунтаў у тыдзень.

Статыстыка цэнтрбека ў сезоне – тут, Марсьяля – тут.

Мы збіраем усе трансферныя навіны і пацверджаныя трансферы клубаў топ-чэмпіянатаў у адпаведнай укладцы каманды тэга – усе трансферы «МЮ» глядзіце тут.

Аўтар: cымон pушынскі

Крыніца: Sky Sports