Вадзім Пігас: «У «Іслачы» я вельмі вырас не толькі як футбаліст, але і як чалавек»
Экс-паўабаронца «Іслачы» Вадзім Пігас распавёў пра перыяд у клубе.
– За тры гады я шмат чаму навучыўся. Можна сказаць, што менавіта ў гэтым клубе мне ўдалося ўстаць на ногі ў дарослым футболе. Тут я вельмі вырас не толькі як футбаліст, але і як чалавек. Вядома, мне хацелася з кожным годам дадаваць і развівацца ва ўсіх кампанентах. Цяпер з упэўненасцю магу сказаць, што ў «Іслачы» ў мяне гэта атрымалася.
– Ты зразумеў, што дасягнуў тут столі і хочаш рухацца далей?
– Вырашыў не працягваць кантракт, таму што захацелася зрабіць крок наперад і нешта памяняць. Клуб вельмі шмат мне даў. Думаю, што і я ўпісаў сваё імя ў гісторыю футбольнага клуба «Іслач», таму пакідаю яго са спакойнай душой.
– Назаві самую яркую падзею, якая адбывалася з табой за ўвесь перыяд кар'еры ў «Іслачы»?
– Тры гады – досыць вялікая дыстанцыя. Было шмат памятных падзей. Вядома, назаўжды запомніўся дэбют у вышэйшай лізе ў выязным матчы супраць «Шахцёра». Яшчэ адзначу пераможныя галы ў вароты БАТЭ і «Гомеля», а таксама яркія Вікторыі на «Барысаў-Арэне» і мінскім стадыёне «Дынама».
– Цябе палюбілі нашы заўзятары. Каб ты хацеў ім сказаць?
– Магу сказаць ім толькі словы падзякі. Дзякуй усім, хто хварэў і хварэе за «Іслач», а таксама асабіста за мяне. Мы ж гуляем у футбол для заўзятараў! – распавёў Пігас.
