Гулец на праглядзе «Нафтана» Данжума: «Многае даведваўся пра чэмпіянат Беларусі падчас пандэміі»
Нігерыйскі нападнік Масуд Данжума, які знаходзіцца на праглядзе ў «Нафтане», распавёў пра першыя ўражанні аб Беларусі.
– Масуд, раскажы пра сябе і свой шлях у футболе.
– Мяне завуць Масуд Данжума, мне 19 гадоў. Я гуляю ў якасці нападніка, займацца футболам пачаў у роднай Нігерыі ў раннім дзяцінстве. Я заўсёды стараўся павышаць свой узровень, і вось атрымаў шанец паспрабаваць сябе ў адной з лепшых акадэмій краіны – «Angel» у Абуджы. Там мяне заўважылі агенты, якія маюць выхад на еўрапейскіх скаўтаў. Дзякуючы такой скаўцкай праграме я і з'явіўся ў Беларусі.
– Чаму для працягу развіцця ў футболе была абраная менавіта Беларусь?
– Я доўгі час сачыў за беларускім футболам, нават падчас пандэміі каранавіруса я даведваўся многае пра ваш чэмпіянат з навін. Таксама я ведаю, што БАТЭ выступаў у Лізе чэмпіёнаў, таму думаю, што Беларусь – добрае месца для працягу развіцця.
– Якія першыя ўражанні аб трэніровачным працэсе ў Беларусі?
– Скажу шчыра, што спачатку мне было тут даволі складана, шмат у чым праз халоднае надворʼе. Але цяпер ужо лягчэй, паступова прывыкаю да гэтага, мне падабаецца трэніравацца і гуляць тут, – сказаў Данжума.
