Спартыўны дырэктар «Ньюкасла» Эшуорт хоча сысці ў «Манчэстэр Юнайтэд», клуб патрабуе за яго 20 мільёнаў фунтаў

Спартыўны дырэктар «Ньюкасла» Дэн Эшуорт папрасіў клуб адпусціць яго, каб ён змог сысці ў «Манчэстэр Юнайтэд», паведамляе The Athletic.

Па даных крыніцы, пасля гэтага клуб адправіў функцыянера ў «садовы водпуск». Гэта распаўсюджаная практыка ў Вялікабрытаніі, калі супрацоўнік пэўны час захоўвае сваю пасаду і заробак, але ад працы ён адхілены.

Адзначана, што клуб працягвае плаціць яму заробак. Ад «МЮ» «Ньюкасл» хоча атрымаць кампенсацыю ў 20 мільёнаў фунтаў.

У «Манчэстэр Юнайтэд» лічаць гэтую суму нерэалістычнай і гатовы чакаць. Афіцыйны кантакт паміж клубамі яшчэ не адбыўся, гэта чакаецца найбліжэйшым часам.

52-гадовы Эшуорт раней таксама працаваў у «Брайтане», «Вест Бромвічы», «Кембрыджы», «Пітэрбара» і зборнай Англіі, дзе ён быў дырэктарам па развіцці.

«МЮ» знаходзіцца на 6-й пазіцыі ў АПЛ, «Ньюкасл» ідзе 8-м.