Трэнер зборнай Беларусі U-17 Караткевіч пра адбор на Еўра: «Мы прыехалі перамагчы і ўвайсці ў гісторыю»
Галоўны трэнер зборнай Беларусі U-17 Дзмітрый Караткевіч звярнуўся да каманды пасля прыбыцця на заключны збор перад выступам у элітным раундзе чэмпіянату Еўропы-2023/2024.
«Мы прыехалі сюды не паўдзельнічаць, не на горы паглядзець, а перамагчы і ўвайсці ў гісторыю. Я хачу, каб вы былі гранічна сабраны і сканцэнтраваны на ўсіх момантах: пачынаючы ад распарадку і дысцыпліны, заканчваючы трэніровачным працэсам. Усе думкі – толькі пра перамогу. Хачу нагадаць, што вы абгулялі моцныя зборныя Расіі, Шатландыі, сталі пераможцамі турніру развіцця, а таксама ўзялі верх у двух матчах над зборнай Саудаўскай Аравіі. Хто, як не мы, будзем выходзіць у фінальную стадыю Чэмпіянату Еўропы? Сабраны, сканцэнтраваны, прытрымліваемся нашай філасофіі і верым у перамогу! У нас ёсць унікальная магчымасць увайсці ў гісторыю, і мы павінны гэта зрабіць», – сказаў Караткевіч.
У групе 8 беларуская каманда згуляе супраць Польшчы, Чэхіі і Босніі і Герцагавіны. Матчы пройдуць у Босніі і Герцагавіне з 20 па 26 сакавіка 2024 года.
