Галоўны трэнер «Арсенала» Мікель Артэта расказаў, ці заўважыў ён момант, калі абаронца яго каманды Габрыэл Магальяес спыніў мяч рукой у сваёй штрафной у чвэрцьфінале лігі чэмпіёнаў супраць «Баварыі» (2:2).

«Так, я гэта заўважыў, асабліва пасля таго, як ад гульцоў «Баварыі» была пэўная рэакцыя.

Думаю, арбітры скарысталіся законам. Закон кажа, што трэба выкарыстоўваць здаровы сэнс і вызначаць, ці атрымліваеш ты перавагу з сітуацыі, а тут мы не атрымалі перавагі», – сказаў Артэта.

Нагадаем, арбітр матча праігнараваў эпізод і не прызначыў пенальці, нягледзячы на апеляцыю гульцоў нямецкай каманды.

Аўтар: Jaŭhen Paŭlavič

Крыніца: Goal.com