Экс-гулец мінскага «Дынама» Эду: «У Расіі было выдатна, але ў Беларусі – усё ж лепш»
Бразільскі экс-нападаючы мінскага «Дынама» Эду ўзгадаў пра выступы ў Беларусі.
Эду выступаў за каманду з 2005-га па 2008 год. У Расіі ён выступаў за «Аланію», «Крылы Саветаў» і «Анжы».
– У Беларусь апошні раз прыязджалі вельмі даўно?
– Так, на жаль, пасля прыпынення працы дынамаўскай школы больш у вас не быў. Але цікаўлюся вашай краінай і яе футболам. Ёсць сябры, з якімі перыядычна стэлефаноўваюся. Вось паглядзі, я яшчэ магу крыху казаць па-руску.
– У нашым чэмпіянаце вы былі, мабыць, першым легіянерам з далёкага замежжа, хто не пакутаваў з-за моўнага бар'ера. Як удалося вывучыць мову і не забыць яе праз столькі гадоў?
– І Расія, і Беларусь у маёй прафесійнай кар'еры сталі падобна другой Радзіме.
Як толькі перайшоў у расійскі чэмпіянат, паставіў сабе мэту – вывучыць мову. Разумеў, што тады жыць і працаваць будзе лягчэй. Але не магу назваць гэта паўнавартасным навучаннем. Проста стараўся размаўляць, даведваўся пра словы, не баяўся памыляцца, практыкаваўся кожны дзень. У мяне не вельмі добрая граматыка, але разумець і крыху казаць магу.
– За мiнскім «Дынама» працягваеце сачыць?
– Вядома! Каманда, балельшчыкі, горад – усё гэта засталося ў сэрцы. У Беларусі мне ўсё падабалася – і гуляць у футбол, і жыць. У Расіі таксама было выдатна, але ў вашай краіне – усё ж лепш, – сказаў Эду.
