Сямён Ягораў: «Абаронцы «Віцебску» змаглі выматаць нападнікаў «Нёмана», за кошт чаго было лягчэй увайсці ў гэтую гульню»

Расійскі абаронца «Віцебску» Сямён Ягораў пракаментаваў перамогу над «Нёманам» (1:0) у 5-м туры ЧБ.

– Ты замяніў на 25-й хвіліне Вепу Жумаева, які атрымаў траўму. Ці цяжка было выходзіць на такую гульню з замены, ды яшчэ і так рана?

– Не, не складана, дастаткова проста. Нашы абаронцы ўжо крыху змаглі выматаць нападнікаў гродзенскага «Нёмана», за кошт чаго было лягчэй увайсці ў гэтую гульню.

– Як ацэніш сённяшнюю сваю гульню супраць «Нёмана»?

– Я не магу ацэньваць сваю гульню. Гэта зробіць трэнерскі штаб і заўзятары, якія лепш бачаць мяне і маю гульню з боку, – сказаў Ягораў.