Дзмітрый Лебедзеў: «Сарока пачуваецца добра. Ён быў падлучаны да ШВЛ – трубка ў горла 21 см. Цяпер у яго трэці шанц пажыць»
Былы паўабаронца «Гарадзеі» і «Астраўца» Дзмітрый Лебедзеў распавёў пра свайго экс-партнёра нападаючага Антона Сароку. У пачатку траўня стала вядома, што 32-гадовы былы форвард зборнай Беларусі правёў некалькі дзён у коме.
– У Антона талент – правая нага чароўная, мысленне, хуткасць. У яго ўсе гульнявыя якасці для нападаючага добрыя. Але праблемы...
– Як у яго са здароўем?
– Я з ім стэлефаноўваўся. У яго ўжо добра. Яго перавялі ў платную палату. Там ён адзін, аднаўляецца. Трохі вока мутнае і два пальцы на назе анямелі.
А так, адчувае сябе добра. Хутка выпішуць. Ён пайшоў на папраўку. Яму сказалі, што яму моцна павезла.
– У яго была штучная кома?
– Так. Лёгкія былі забіты вадкасцю. Ён сам не мог дыхаць. Казаў, што яму ўставілі ў горла трубку 21 см. Ён быў падключаны да ШВЛ. Яму трэці шанц жыцця даюць. Да гэтага ён ужо 2 разы...
– Так, у Гродна быў.
– І ў Мiнску таксама. У 2016 годзе яго ўпершыню прыхапіла. Ён прыйшоў праз 2 тыдні, Сяргей Валер'евіч [Яромка] кажа яму: «Антоха, паглядзі ў люстэрка і запомні, які ты павінен быць». А ён прыйшоў ружовашчокім, худым. Такі свежанькі быў, – сказаў Лебедзеў.
Раней Tribuna.com паведамляла, што Сарока са сваёй згоды быў уведзены ў штучную кому для палягчэння аднаўлення арганізма, але цяпер ужо выведзены з гэтага стану.
Раней нападаючы выступаў за БАТЭ, мінскае «Дынама», «Гарадзею», «Локерэн» (Бельгія, Д1), «Акжайык» (Казахстан, Д1) і шэраг іншых клубаў.
За зборную Беларусі правёў 15 матчаў, забіў 7 мячоў.
