Аляксандр Буцько: «Трэба больш браць з тых паўмомантаў, якія ў «Іслачы» прысутнічалі»

Форвард «Іслачы» Аляксандр Буцько паразважаў пра прычыны няўдачы ў матчы з «Нёманам» (0:2).

– Ну што сказаць? 0:2. Віншую суперніка з перамогай.

– Ёсць адчуванне, што «Іслач» сёння была як мінімум не горшая?

– Гэта, напэўна, варта спытаць тых, хто глядзеў матч з боку. Як ні круці, а «Нёман» – больш дасведчаная каманда. Можа, і мы не гатовыя былі. Канкрэтна сказаць складана.

– То бок сёння не хапіла досведу?

– Не зусім. Усё ж такі тут толькі адна сустрэча. Магчыма, у гродзенцаў было больш жадання. Але як атрымалася, так атрымалася.

– Вы аддалі свой медаль на трыбуны. Камусьці канкрэтна?

– Бацька.

– Ён больш за «Іслач» ці менавіта за вас?

– Хутчэй другое. Ён прыехаў падтрымаць мяне, таму вырашыў яго неяк парадаваць.

– Што вам сказалі ў распранальні пасля сустрэчы?

– Што сказана ў распранальні – хай лепш там і апынецца.

– Стварылася ўражанне, што пасля другога гола каманда выключылася...

– Не сказаў бы. У нас былі падыходы. Але трэба больш браць з тых паўмомантаў, якія ў нас прысутнічалі. Гродзенцы ж таксама не стварылі вялікай колькасці момантаў, але яны імі лепш скарысталіся. А ў нас не атрымалася. Але мы не патухлі, – сказаў Буцько.