Тэрзіч – сярод прэтэндэнтаў на пасаду трэнера ў «МЮ» і «Лестэры»
Як паведамляе Goal.com са спасылкай на Bild, галоўны трэнер дортмундскай «Барусіі» Эдзін Тэрзіч незадаволены ацэнкай яго працы клубам.
У той жа час кандыдатура 41-гадовага немца фігуруе ў спісах «Манчэстэр Юнайтэд» і «Лестэра».
У цяперашні час «Барусія» не вядзе перамовы з Тэрзічам па падаўжэнні яго кантракту, які заканчваецца летам наступнага года. Гэтае пытанне адкладзенае кіраўніцтва клуба сама меней да восені.
Адзначаецца, што яго прамову ў распранальні пасля фіналу Лігі чэмпіёнаў з «Рэалам» (0:2) некаторыя гульцы каманды ўспрынялі як развітальную.
Тэрзіч узначаліў «Барусію» летам 2022 года. Гэта яго першы досвед працы галоўным трэнерам. Пад яго кіраўніцтвам каманда за два сезоны заваявала сярэбраныя медалі Бундэслігі і дайшла да фіналу Лігі чэмпіёнаў.
