УЕФА і мясцовыя ўлады Мюнхена не могуць прыйсці да згоды наконт выкарыстання піратэхнікі падчас цырымоніі адкрыцця Еўра-2024, паведамляе выданне Bild.

УЕФА плануе запусціць феерверкі ў пятніцу, 14 чэрвеня, падчас цырымоніі адкрыцця Еўра на «Альянц Арэне».

Мясцовыя ўлады Мюнхена гэтага не ўхваляюць. Згодна з першапачатковымі планамі, падчас цырымоніі будзе запушчана 60 феерверкаў падчас дэманстрацыі сцягоў у каманд-удзельніц турніру. Але для таго каб выканаць піратэхнічнае шоу, яно павінна быць ухвалена мясцовымі органамі ўлады.

Пасля таго, як пра планы стала вядома, у студзені 2024 года мясцовыя ўлады звярнуліся да арганізатараў EURO 2024 GmbH з просьбай не выкарыстоўваць піратэхніку на цырымоніі адкрыцця.

EURO 2024 GmbH – сумесная кампанія DFB і УЕФА, якая адказвае за арганізацыю турніру.

Упаўнаважаныя органы асабліва ўдзялілі ўвагу сігнальнаму эфекту ад піратэхнікі, які накіраваны на балельшчыкаў. А таксама, што несанкцыянаванае выкарыстанне піратэхнікі балельшчыкамі прыводзіць да атрымання траўм.

«Планаванне і арганізацыя цырымоніі адкрыцця строга рэгламентаваны. Яна будзе праводзіцца з прыцягненнем вядомых вытворцаў і прафесійных кампаній у адпаведнасці з правіламі аховы здароўя і бяспекі краіны правядзення спаборніцтваў», – адказалі ва УЕФА на запыт журналістаў.

Адзначаецца, што канчатковая ўхвала ўладаў на выкарыстанне піратэхнічных сродкаў яшчэ чакаецца.

14 чэрвеня перад матчам Германія – Шатландыя, які пачнецца ў 22.00, адбудзецца цырымонія адкрыцця. Еўра-2024 працягнецца 1 месяц, фінал турніра пройдзе ў Берліне 14 ліпеня.

Аўтар: Jaŭhen Paŭlavič

Крыніца: Bild