Чэмпіянат Казахстана: «Жэтысу» Шрамчанкi і «Жэніс» Грачыхі згулялі ўнічыю, «Астана» Эбонга прайграла «Ардабасы» Сяднёва і іншы вынік
15-16 чэрвеня праходзяць матчы 11-га тура чэмпіянату Казахстана з удзелам беларускіх футбалістаў.
15 чэрвеня
«Атыраў» Віталя Жукоўскага, Ягора Хаткевіча, Ігара Стасевіча, Мікіты Сцяпанава і Мікалая Сігневіча на выездзе абыграў «Шахцёр» (3:0). Хаткевіч і Сцяпанаў адгулялі матч цалкам, Сігневіч выйшаў на поле на 46-й хвіліне, Стасевіч выйшаў на замену на 67-й хвіліне і забіў на 81-й.
«Кайсар» Руслана Юдзянкова, Валерыя Грамыкі, Уладзіміра Соўпеля і Дзмітрыя Барадзіна згуляў унічыю з «Туранам» (1:1). Юдзянкоў адгуляў матч цалкам і яго гол на 49-й хвіліне не быў залічаны з-за гульні рукой, Грамыка правёў на полі ўсю гульню і забіў на 31-й хвіліне, Барадзін выйшаў у старце, не рэалізаваў пенальці на 11-й хвіліне і на 46-й быў заменены, Соўпель не патрапіў у заяўку.
«Табол» адолеў «Кайрат» (1:0).
16 чэрвеня
«Жэтысу» Антона Шрамчанкі і «Жэніс» Дзяніса Грачыхі і Сяргея Волкава згулялі ўнічыю (2:2). Шрамчанка выйшаў з першых хвілін і быў заменены на 11-й. Грэчыха выйшаў на 75-й хвіліне, Волкаў правёў усю гульню на полі.
«Астана» Макса Эбонга прайграла «Ардабасы» Аляксандра Сяднёва і Усевалада Садоўскага (0:1). Эбонг выйшаў на 72-й хвіліне. Садоўскі выйшаў на 62-й хвіліне.
«Ялімай» Мікіты Корзуна і Мікалая Золатава падзяліў ачкі з «Актабэ» Дзмітрыя Бяссмертнага (2:2). На 45-й хвіліне Корзун, які выйшаў з першых хвілін, атрымаў папярэджанне і забіў мяч, зрабіўшы лік 1:1, яго замянілі на 81-й хвіліне, Золатаў правёў усю гульню на лаўцы запасных. Бяссмертны правёў усю гульню на полі.
